Search for COPS, naluktan

SAN FERNANDO CITY – Impakaammo ti Police Regional Office I ti panaglukat ti panagbirok para iti 2011 Country’s Outstanding Policemen in Service (COPS).

Idi Oktubre 27, nagpinnirma iti katulagan ti Metrobank Foundation, Inc., Rotary Club of New Manila East, Philippine Savings Bank ken ti Philippine National Police para iti nasao a gannuat.

Maited ti pammadayaw kadagiti sangapulo a kameng ti PNP, uppat a police commissioned officers (addaan ranggo a police inspectors agingga iti police superintendent), ken 6 a police non-commissioned officers (PO1 agingga iti PO4),  a nakaipaay iti outstanding service iti pannakalapped ken pannakasolbar iti krimen ken aktibo a nagiyimplementar kadagiti programa a manggutugot iti komunidad nga agbalin a kakibin iti pannakatagiben ti kappia ken talna.

Maikkan tunggal mangabak iti COPS trophy, medalia ken P300,000.#