Seawall, naidagadag a masimpa

CAOAYAN, Ilocos Sur – Indagadag ni Konsehal Freddie Querubin ti panagkiddaw iti tulong iti gobierno probinsial ken iti nasional a gobierno para iti pannakatarimaan ti seawall iti Barangay Fuerte ditoy nga ili.

Kanaig daytoy, maam-amak dagiti agnaed iti nasao a barangay iti posible a pannakarebba ti seawall iti lugarda a pagpeggadan ken pakaiyanudan dagiti balayda.

Kinibkiban ti napigsa a dalluyon ti maysa a paset ti seawall iti nasao a barangay idi sinanotan ni Bagyo Pepeng ti Amianan a Luzon a pakairamanan ti probinsia.#