Security guard, binagsol ti tanod

SAN ESTEBAN, Ilocos Sur – Nabagsol ti maysa a security guard iti periaan ti Barangay San Rafael ditoy nga ili idi agarup 9:50 ti rabii ti Disiembre 21.

Segun iti report, mapapati a nakainom ni Marlon Cardenas y Tacadena, 32, naasawaan, security guard iti National Grid Corporation of the Philippines ket dina kayat a bayadan ti kinnanna a balot isu a nagpatulong ti aglaklako iti barangay tanod a ni Domingo Andres y Serquila, 35, baro, natibo iti San Nicolas, Pangasinan ngem agnaeden iti Barangay San Rafael.

Kinompronta ti tanod ni Cardenas a nagtungpal iti panagsubangda ken panangtungpa ti guardia iti tanod.

Binunot ni Andres ti imukona ket binagbagsolna ni Cardenas iti sumagmamano a daras a nakasugatan iti nadumaduma a paset ti bagi ti biktima.

Intaray dagiti nagresponde a polis ti guardia iti Candon General Hospital para iti pannakaagas dagiti sugatna.

Boluntario met a simmuko ti suspek iti police station ditoy.#