Security guard, pinaltoganna ti bagina

CAOAYAN, Ilocos Sur – Mapapati a pinaltogan ti maysa a security guard ti bagina bayat ti panagririda iti asawana iti taengda iti Barangay Fuerto ditoy nga ili iti rabii ti Pebrero 2.

Iti report manipud iti polis ditoy nga ili, mapapati a nagriri da Jim Alconcel y Viloria, 30, naasawaan, security guard ti Ilocos Sur National High School, residente iti Barangay Fuerte ken ti asawana a ni Benisan Alconcel y Carmelo idi nakangeg dagiti kaarrubada iti kanalbuong sa ti panagpaarayat ti babai.

Idi immarayat dagiti kaarrubada, nakitada ni Alconcel a nadigos iti bukodna a dara.

Intaray dagiti kaarruba ni Alconcel iti Gabriela Silang General Hospital ngem naideklara nga awanen ti biagna.  Agtultuloy ti panagimbestiga dagiti polis mainaig iti insidente.#