Seedlings ti cacao, naiwaras

CABUGAO, Ilocos Sur – Sangaribu ket tallo gasut a seedlings ti cacao ti inyawat ni Gov. Deogracias Victor “DV” Savellano kadagiti agindeg iti Barangay Turod Patac ditoy nga ili idi Setiembre 14.

Segun ken ni Barangay Captain Virgilio Castro, dakkel a pagimbagan ti maited dagiti seedlings ti cacao iti barangayda ta iti uneg ti 4-5 a tawen, maysanton daytoy a napintas a livelihood dagiti agindeg.

Naited pay ditoy ti 200 a piek ti Ilocos super chicken ken maysa a toro a Boer a kalding.#