CANDON CITY – Nupay ibilang dagiti mannalon a grasia ti indateng ti Bagyo Egay gapu ta makaraepdan, naapektaran ti sektor ti panagkalapan, nangruna dagiti coastal barangays ditoy siudad, segun iti city agriculturist ditoy.
Kinuna ni Elmor Leano a naapektaran dagiti mangngalap iti Barangay Darapidap, Paypayad ken Tamurong gapu iti panagngato ti danum a nakaipasdekan dagiti fish cages a nakaigapuan ti pannakabulos dagitoy.
Kas paset ti livelihood project ti BUB, nangipaay ti Department of Agriculture Region 1 iti bangus fingerlings a taraknen dagiti benepisario a mangngalap. (Danny Antalan)