Footer

Senior citizen, naaksidente, natay

STA. CRUZ, Ilocos Sur – Maysa a senior citizen ti natay idinto a nakaro a nasugatan ti sabali idi nagdinnungpar ti maysa a traysikel ken van iti Barangay Sidaoen ditoy.

Nabigbig ti natay a ni Jose Gumnad, 65, residente iti Barangay Capariaan,  idinto a nasugatan ni Jolly Damilig, 26, residente iti Barangay Villa Garcia ditoy met laeng nga ili.

Iti imbestigasion ti polis, oberteykan koma Damilig ti maysa a trak ngem mapapati a dina nakita ti sumungad a van a minaneho ni Gumnad a  puon ti panagdinnungpar dagiti luganda.

Naitaray iti ospital tni Gumnad ngem natay bayat ti pannakatamingna.  Naiyalis Damilig iti Ilocos Training Regional Medical Center  idiay San Fernando, La Union.