SANTIAGO, Ilocos Sur – Maysa a senior citizen ti inaresto dagiti polis ditoy nga ili gapu iti mapapati a panagikutna iti paltog.
Tiniliw dagiti polis ni Isabelo Pasion, 80, residente iti Barangay Bulbulala, ditoy nga ili gapu iti reklamo a nagtagiimet iti paltog bayat ti pannakiririna iti padana met la a senior citizen a kalugaranna met laeng.
Nagreklamo ni Juanito Laya, 75, iti polis a prinobokar ti suspek nga adda iggemna a paltog mainaig iti riri iti daga.
Nagresponde dagiti polis ngem nasiputanda a nangliklik ti suspek ken mapapati nga impalladawna ti paltogna a home made revolver Magnum 22 iti maysa a paraangan.#
