Senior citizen natay iti aksidente

CANDON CITY – Natay ti maysa a senior citizen idi naidungpar ti minanehona a motorsiklo iti poste ti koriente iti Darapidap ditoy nga ili itay nabiit.

Iti report a naggapu ti polis ditoy, saanen a naiyabot iti ospital ti biag ni Florendo Lapsut y Ingaan, 61, taga-Sibsibbu, San Emilio, Ilocos Sur, gapu kadagiti sinagrapna a grabe a sugat.

Naammuan iti inisial nga imbestigasion nga agturturong iti laud ti biktima nakalugan iti motorsiklo a Suzuki ket iti nagkurbaan iti Darapidap Road, napukawna ti kontrolna iti manibela a nakaigapuan ti pannakaidungpar ti lugan iti poste ti koriente.

Masansan nga adda maaksidente iti daytoy a lugar.#