CABUGAQO, Ilocos Sur – Uray malikudandan ti langit, aktibo pay laeng dagiti senior citizens ditoy kadagiti pasken ti ili.
Kas napagtitinongan dagiti senior citizens ditoy bayat ti maysa a mitingda, nakipartisiparda kadagiti aktibidad iti pannakarambak ti piesta daytoy nga ili.
Naammuan ti Tawid News a nakipartisipar dagiti nakaaruat iti uniporme a senior citizens iti parada iti Social Services Day ken immatenderda iti rabii a pannakaangay ti Search for Lolo and Lola.
Da Mayor Edgardo S. Cobangbang, Provincial Social Welfare and Development Officer Ferdinand Concepcion ken retirado a hues Efren Ubungen dagiti kangrunaan a sangaili iti Social Services Night.
Naangay pay iti daytoy nga aldaw ti Fun Run, Acrobat Show ken Variety Show.#
