Service on the Go program ti PRC, insayangkat ti Baguio Regional Office

LAGAWE, Ifugao – Insayangkat ti Baguio Regional Office ti programa ti Professional Regulation Commission (PRC) a “Service on the Go” idi Hunio 16, 2011 iti Function Hall ti Provincial Capitol ditoy, kas paset ti panangipaayda iti as-asideg a serbisio kadagiti propesional.

Dagiti sumaganad dagiti naited a serbisio iti daytoy nga aldaw: pannakaproseso ti pannakapabaro ti ID/lisensia, pannakaproseso ti inisial a rehistrasion dagiti kabarbaro a nakapasa nga examinees, pannakaproseso ti aplikasion para eksaminasion nangruna ti Licensure Examination for Teachers a maangay inton Septiembre 2011, pannakayisio dagiti sertipikasion ti good standing, passing and Board ratings, ken pannakaited dagiti unclaimed ID/lisensia.

Angayen pay ti Baguio Regional Office ti “Service on the Go” program ti PRC inton Hunio 22, 2011 iti Conference Hall ti Pangasinan Division Office, Lingayen, Pangasinan.#