Service vehicle, nanayonan

STO. DOMINGO, Ilocos Sur – Sakbay a naggibus ti 2014, gimmatang ti lokal a gobierno nga idauluanna iti service vehicle, daytoy ti naammuan manipud ken ni Mayor Amado “Lito” Tadena.

Maysa a Toyota Innova ti ginatang ti gobierno munisipal sakbay ti panagtapos ti tawen kas kanayonan ti Delica nga immuna a service vehicle ti munisipio.

Kinuna ni Tadena a masansan nga agdadael ti Delica isu a kiniddawna iti sangguniang bayan ti panangilatangda iti pondo a maigatang para iti sabali pay a service vehicle tapno nataltalged ti panagbiahe dagiti empleado ti munisipio no adda opisial a papananda.#