VIGAN CITY – Maisapsapan ti panagsession ti sangguniang panlungsod ditoy kas kiniddaw ti maysa a konsehal.
Kiniddaw ni Konsehal George Villanueva a maisapsapa ti panagsession ti SP ditoy tapno maikkanda iti ad-adu a panawen a mapan agkampania kadagiti barbarangay ditoy siudad.
Naanamongan a maisapsapa ti session iti alas dos ti malem.
Napinget ti panagkampania dagiti pailayon a konsehal ditoy nupay awan ti kasango dagiti dadaulo ti partido a nakaikappenganda.
Unopposed da Mayor Eva Marie S. Medina nga agpailayon para mayor ken ni Ryan Singson, kandidato para bise mayor.#