Severino and Eufemia Lacar Commemorative Iluko Poetry Contest, silulukaten

Silulukaten ti Severino and Eufemia Lacar Commemorative Iluko Poetry Contest kadagiti amin a mannurat nga Ilokano, beterano ken agdadamo. Orihinal laeng dagiti maisalip ket saan a kualipikado dagiti naipablaaken wenno maipablaak iti sabali a pagiwarnak nga Iluko. Uray ania a tema ti suraten, ngem ketdi adda mailaga a kultura, ugali ken tradision ni Ilokano a makita iti daniw. Saan a nakurkurang ngem 21 a linia ti daniw ngem di met ad-adu ngem 50 a linia. Tallo a daniw ti kasapulan nga isagana ti mannurat. Wenno maysa nga atiddog a daniw a saan a nakurkurang ngem 63 a linia. Ipatulod dagitoy iti [email protected] wenno iti [email protected] Ti laeng pudno a nagan ti mannurat ti agparang kadagiti manuskrito.

Ipatulod pay dagiti manuskrito kada Franklin P. Macugay, Municipal Hall, Cabatuan, Isabela; ken Peter La. Julian, 23 National Road, Oscariz, Ramon, Isabela.

Dagiti gunggona: Umuna, P10,000 agraman sertipiko; Maikadua, P7,000 agraman sertipiko; Maikatlo, P5,000 agraman sertipiko; ken tallo a konsolasion a sag-P1,000

Maiyawatto dagiti gunggona inton Mayo 2013 bayat ti tinawen a TMIF-TMI Global Literary Conference. (Peter La. Julian)