Shabu, nakumpiska iti search operation

SAN JUAN, Ilocos Sur – Masuspetsa a maiparparit a droga ken crumpled aluminum foil ti nakumpiska dagiti polis iti pagtaengan ti maysa a drug personality sadiay Barangay Nagsabaran ditoy nga ili idi agsapa ti Nobiembre 24.

Innem a heat sealed plastic sachets a nagkarga iti mapapati a shabu a naikabil iti black pouch ti nakum-piska ti nagtitipon nga elemento ti kapolisan a pakaibilangan ti PAIDG, PIB ISUR PPO, PDEA PRO 1, 104th Maritime Police ken San Juan police station nga indauluan ni OIC PSI Benjamin Sevillena Raquedan iti balay ni Rommel Anastasio y Riambon, 40, naasawaan, fish vendor, nakalista a Top 2 drug personality, municipal level, HVT.

Sinaksian ti barangay captain ken chief tanod ti naiwayat a panagsukisok.

Naipan ti suspek iti police station idinto a naipatulod dagiti nakumpiska a droga ken foil iti Ilocos Norte Provincial Crime Laboratory Office, Camp Valentine S. Juan, Laoag, Ilocos Norte para iti laboratory examination.#