Footer

Shellfish ban iti 4 ili, imbilin ti BFAR

PANGASINAN – Imbilin ti Bureau of Fisheries and Aquatic Resources kadagiti umili ti saanda a panagsida iti shellfish kalpasan a naduktalan a positibo iti red tide toxin dagiti shellfish iti sumagmamano nga ili ditoy a probinsia.

Segun ken ni BFAR Regional Director Nestor Domenden, positibo iti red tide toxin dagiti shellfish a matartaraken iti karayan ti ili ti Bolinao, Bani ken Anda.

Itay nabiit, impakat manen ti BFAR ti pannakaiparit ti panagsida iti shellfish iti Alaminos City ta adda metten red tide toxin dagitoy a masida iti karayan ti siudad.

Kabayatanna, imbilin ni Bolinao Mayor Noli Celeste ti pannakaiparit iti panagsida iti shellfish kalpasan a naireport a naiyospital ti 26 a tattao a nakatayan ti maysa gapu iti pannakasabidongda idi nagsidada iti tahong.

Naireport a natay ti maysa a Manilyn Conde ken pannakayospital dagiti duapulo ket lima a residente iti Barangay Ilog Malina, Zaragoza, Lambes ken Pilar gapu iti panagsidada iti tahong.

Imbilin pay ti mayor ti panangiwayat dagiti barangay captains kadagiti checkpoint tapno awan ti maibiahe a shellfish a sumrek ken aggapu iti ilida.#