Footer

Shellfish manipud Anda, Bolinao, Pangasinan, apektado iti red tide

BANTAY, Ilocos Sur – Apektado iti red tide dagiti shell fish a maal-ala iti kadanuman iti dua nga ili iti Pangasinan, daytoy ti pakaammo ti Department of Agriculture ditoy probinsia itay lawasna.

Maysa a bulletin ti impaulog ti DA babaen ti Bureau of Fish and Aquatic Resources a nangballaaganna iti publiko iti saanda a panagsida iti shellfish ken dadduma pay a masida a nakalap iti kabaybayan dagiti ili nga Anda ken Bolinao, Pangasinan agsipud ta naapektaranda iti red tide.

Sagudayen ti Bulletin No. 10 ti DA, malaksid iti shellfish, karaman a saan a sidaen ken gatangen dagiti umili dagiti pasayan ken padaw, arimbukeng ken dadduma pay a makalapan iti kabaybayan dagiti nadakamat a dua nga ili gapu ta positibo ti kaadda iti red tide kadagitoy nadakamat nga ili.

Nupay kasta, kinuna ti DA a mabalin a sidaen dagiti lames a makalapan kadagiti dua nga ili ngem kasapulan a madalusan a naimbag dagitoy ken maikkat dagiti nagunegda a pakairamanan ti bagisda.

Maysa a phenomenum ti red tide ket nabirngasan a kastoy gapu iti panagmaris ti baybay a nalabaga gapu iti panagadu dagiti algae ket agbalin a toxic dagiti  apektaranda a sidaen a makalapan iti baybay a makaigapu iti pannakasabidong dagiti agsida kadagitoy.#