Sheriff, napaturongan iti paltog

CANDON CITY – Gapu laeng iti kalub ti tangke ti gasolina ti kotse, pinaturongan ti maysa a security guard ti maysa a sheriff iti korte idi agsapa ti Mayo 30.

Segun iti inisial nga inbestigasion dagiti polis, nagturong ni Romeo Pascua y Gacusan, 56, naasawaan, court sheriff ti RTC Branch 23 ditoy siudad, iti nasao a gasolinaan ket dinamagna ken ni Jhun Habab y Facun, 24, naasawaan, security guard ti Flying-V gasoline station ken residente iti Barangay Vical, Sta. Lucia, Ilocos Sur, ti kalub ti tangke ti gasolina a nabatina dua a lawasen ti napalabas.

Immasideg ti suspek ket naparnuay ti argumentoda ken ni Pascua.

Dimsaag ni Pascua ngem inkasa ti suspek ti armasna sana impaturong iti sheriff.#