Siglat Award, mairusat

VIGAN CITY – Tapno mapadaras ti panagdur-as ken development iti grass root level, irusuat ti provincial government ti Salisal Iladawanna’t Gaget ti Lumugar Agsagrap ti Timpuyog wenno SIGLAT Award.

Inwaragawag daytoy ni Savellano bayat ti miting ti Liga dagiti Mayor iti probinsia itay nabiit.

Kinuna ni Gov. Deogracias Victor Savellano a mapili dagiti barangay a napintas ti panangiyimplimentarda kadagiti agduduma a prosperity programs a nakasentro iti lima nga areas kas iti sumaganad: Health and Nutrition; Peace and Order, Social Welfare, Education and Public Safety; Environmental Protection; Job creation, Income Generation and Productivity; ken  Good Governance and Administration.

“Sabali ti mapili iti municipal ken city categories,” kinuna ni Savellano.

Naipabaklay metten kadagiti maseknan nga ahensia ken opisina iti kapitolio ti pannakapormular dagiti indicators a rebisarento ti SIGLAT Task Force iti pannakaiyawat ti pammadayaw inton umay a tawen.

“Iwaragawagkon daytoy tapno masaganaanyo ti Siglat Award,” kinuna ni Savellano kadagiti mamayor.#