VIGAN CITY – Ipaayan ti gobierno ti siudad ditoy ti singin a nag-top 10 iti Certified Public Accountants  Licensure Examination a naaramid itay Mayo daytoy a tawen.

Mapadawayan dagiti singin a da Charles Bryan Tan, nakagun-od iti maikawalo (89%),  ken Christopher Marinas Tan, nakagun-od iti maikasangapulo a puesto (88.57%).

Ni Vic Tan, dati nga opisial ti barangay ditoy siudad  ken ni Magling Marinas dagiti dadakkel dagiti dua.

Iti kadagupan a 4,651 nga examinees, 1,268 laeng ti nakapasa  iti nasao nga eksaminasion a naaramid sadiay Baguio, Manila, Cagayan de Oro, Cebu, Davao, Iloilo ken Legaspi City. (Nemia Icari )