SK ti Vigan, napili a mangidaulo iti SK ti probinsia

VIGAN CITY РNagkaykaysa dagiti amin nga SK Federation president dagiti amin nga ili ditoy probinsia a nangipatugaw  ken ni Marie Gabrielle Kayla Singson Mendoza manipud iti Vigan City kas SK Federation president ti Ilocos Sur iti naangay a panagpipilida iti provincial capitol ditoy idi Disiembre 10 .

Kadua ni Mendoza a nabutosan da Jan Jerome Tolentino ti Magsingal kas bise presidente, Benazir Sarmiento ti Cabugao kas sekretaria, Mohamad Tomas ti San Emilio kas tesorero, Genalyn Galanto ti Sta. Lucia kas auditor, Jason Benedict Cabuena ti Narvacan kas P.R.O. ken Al David Dario ti Lidlidda kas sargeant at arms.

Sinaksian da DILG OIC Provincial Director Victoria Ramos, COMELEC Provincial Supervisor Atty. Marino Salas ken Sangguniang Panlalawigan Secretary Herminia Bundoc ti nasao a panagpipili dagiti SK president.

Iti  eksklusibo nga interbio ti Around Ilocandia Channel ken ni  Mendoza, kinunana a ti pannakaipasdek ti youth center iti Tamag, Vigan City ti umuna nga asikasuenna tapno adda makuna a pagtaengan ken mabalin payen nga umianan dagiti SK a taga-upland no marabianda.

Kayat pay ni Mendoza nga aramaten ti internet tapno maaddaanda iti madagdagus a komunikasion kadagiti SK president iti tunggal ili.

‚ÄúBabaen ti Facebook, maipostemi dagiti mapanunotmi a proyekto tapno mabasa ti kaaduan nga SK. Mas epektibo daytoy ngem iti text iti selpon,‚ÄĚ kinuna ti baro nga SK president.

Impaganetget pay ni Mendoza a ti pannakaasa ti talento dagiti agtutubo imbes a ti pinnintasan ti ad-adda nga ikampaniana idinto a linagidawna a ti laeng pintas ti maitantandudo iti bikini open isu a talent search laengen ti rumbeng a maipangruna kadagiti agtutubo.

Kabayatanna adtoy ti dadduma pay nga SK president iti dadduma nga ili: Alilem -Lovelyn Valentine Arsabal,¬† Banayoyo – Jericson Galanga, Candon City – Grace Marielle Singson, Cervantes – Marciano Mauro Jr., Galimuyod – Jo Kremlin Guilambo, Gregorio del Pilar – Nova Dadpaas, Nagbukel – Ruby Jean Cabang, Quirino –¬† Razel Blane Bal-ot, Salcedo – Elmer Paul J. Gironella,¬† San Estebas – Krisha Mae Ordo√Īez, Santa – Derrick Adviento, Sta. Cruz – Carlo Domenden, Sta. Maria – Rema Pazvia Cabatu, Santiago – Cleeford Kim Santos Sigay – Sadiri Dilla,¬† Suyo – Mark Jommel Ping-ay,¬† Tagudin-Kasmin Leilani Corpuz,¬† Bantay – Jonalyn Pre, Caoayan – Abigeil Pilorin, San Ildefonso – Mark Janmuel Lucson, San Juan – April kay Vivit, Sta. Catalina – Abigail Veronica Rapanut, Sto Domingo – Adrienne Giorgia Alvarado, San Vicente – John Carmelo Rica√Īa, ken Sinait – Orlino Ines.#