Footer

Slaughter house, nangrugin ti operasionna

BANAYOYO, Ilocos Sur –  Nangrugin ti operasion ti slaughter house ken trading post ditoy nga ili, daytoy ti impakaammo ni Mayor Severino Galanga itay nabiit.

Kinuna ni Galanga nga ilaklakada ti presio ti mailako a karne ti baka ken baboy ken sigurado pay a husto ti kiloda tapno ad-adu ti maawisda nga  aggatang ditoy. Mailako ti karne ti baboy iti P150 kada kilo idinto a P180 kada kilo ti karne ti baka.

Inyussuat ni Galanga ti programa a panagtaraken ti baboy ken baka kas livelihood dagiti umili tapno masustener ti maparti iti slaughter house.#