Soldado, pinatayna ti siumanna

NARVACAN, Ilocos Sur – Saan a panagkinnaawatan bayat ti panagiinomda ti nangpaltogan ti maysa a soldado iti siumanna a lalaki.

Saanen a naidanon ti biag ni Arnel Bangloy, 23, residente iti Nalasin, Bangui, Ilocos Norte, iti ospital gapuen iti panangpaltog kenkuana ni Cpl. Edwin Laguaton Sr., stepfather ti biktima, residente iti Bangui, Ilocos Norte, ken kameng iti 50th IB Phil. Army a nakabase iti Sulvec, Narvacan, Ilocos Sur.

Iti report manipud iti polis ditoy, aggiinom ti suspetsa ken biktima ken dadduma pay a di nainaganan a tattao idi nagsubang dagiti dua a nangpaltogan ti soldado iti siumanna.

Boluntario a simmuko ti suspetsa iti 50th IB sa naiyawat iti polis ditoy.#