Footer

SPED caravan, nairusat iti Ilocos Sur

VIGAN CITY – Kinuna ti maysa nga opisial ti Department of Education a maipatungpal ti Special Education program iti sibubu kasapulan nga awaten ti amin a pagadalan ken unibersidad dagiti persons with disabilities tapno masagrapda met ti pagsayaatan nga ited ti edukasion,” kinuna ni Inciong.

Naangay met ti seminar nga addaan iti modules para iti SPED manipud Agosto 17-21. Para daytoy kadagiti mangisusuro a mangimatonto iti SPED ditoy Ilocos Sur.

Addaan ti seminar iti tema nga “SPED in the Midst of Education For All”.

Kabayatanna, kinuna ni Ilocos Sur Schools Division Superintendent Marino Baytec a maragsakan ta ditoy probinsia ti nangirugianda iti programa.

Kinunana a paset daytoy ti mission ti ahensia nga apaman a madanon ti 2015, agad-adalen ti amin nga ubbing uray dagiti addaan rangkap wenno special children.

Impalgak ni Baytec a kitkitaenda ti posible a pannakaipasdek ti dua nga SPED centers iti probinsia.

Innayon ni Baytec a nupay awan pay ti SPED centers iti probinsia iti agdama, addan sumagmamano a pagadalan nga agaw-awat iti special children a pakaibilangan ti Narvacan, Sta. Lucia, San Vicente, Magsingal, San Juan ken Cabugao.#