Speed limit ordinance, naipakat

STO. DOMINGO, Ilocos Sur – Malimitaran ti kinapardas ti taray dagiti lugan nga agdaliasat iti Metro Poblacion ditoy nga ili.

Daytoy ti kangrunaan a linaon ti ordinansa a pinutar ni SBM Henry Palpallatoc nga inaprobaran ti konseho ditoy itay nabiit.

Naammuan a 30 kilometers/hour ti speed limit dagiti lugan nga agdaliasat iti nagbaetan ti South Central School iti abagatan ken iti supermarket iti amianan.

Mamulta ti aglabsing iti ordinansa iti P500 iti umuna a panaglabsing, P1,000 iti maikadua a panaglabsing ken P2,000 iti maikatlo a panaglabsisng.#