Squash noodles, maidasar kadagiti okasion

STO. DOMINGO, Ilocos Sur – Kas paset ti pannakaipromot ti squash noodles, mailako daytoy kadagiti tiendaan ken pagadalan ditoy nga ili.

Indagadag itay nabiit ni Mayor Floro “Butch” Tadena ti pannakaidasar ti squash noodles no adda pasken wenno okasion kadagiti pagadalan wenno pagopisinaan ditoy.

Malaksid iti Kabuhayan Center, maidispleyen a mailako daytoy a produkto iti tiendaan publiko ditoy.

Ti squash noodles ti one town one product daytoy nga ili.#