Footer

St. William the Hermit Church, marehabilitar

MAGSINGAL, Ilocos Sur – Marehabilitar ti St. William the Hermit Church ditoy nga ili babaen ti tulong ti National Commision for Culture and the Arts, daytoy ti impakaammo ni Ma. Luisa Salvador, chairman ti Heritage Committee ti nadakamat a parokia.

Kinuna ni Salvador a nangted ti NCCA iti Heritage committee iti P493,000 a pangsimpa iti atep ken bobeda ti simbaan.

Maysa ti St. William the Hermit Church kadagiti 33 a simbaan iti sibubukel a Pilipinas a maikonkonsidera a national cultural treasure.

Ti simbaan iti Sta. Maria ti maikadua a simbaan ditoy Ilocos Sur a nairaman iti listaan ti national cultural treasure iti sibubukel a pagilian.#