Footer

STAC, patpatarayenen ti Vigan City government

VIGAN CITY – Saan laeng a dagiti special children nga agnaed ditoy siudad ti serserbian ti Stimulation and Therapeutic Activities Center (STAC) no di pay dagiti aggapu iti sabsabali nga ili ditoy probinsia, daytoy ti impalgak ni Mayor Eva Marie S. Medina itay nabiit.

Segun ken ni Medina, ti gobierno ti siudad ditoy ti mangpatpatarayen iti STAC agsipud ta naipaiman kadakuada daytoy.

Iti STAC ti pagadalan dagiti ubbing nga addaan disability, kas dagiti autistic, retardate, physically handicapped ken dadduma pay nga special children.

Kinuna ni Medina nga aggawat latta ti STAC kadagiti aggapu kadagiti sabali nga ili a dida kabaelan ti mangipasdek iti pagadalan para kadagiti special children.#