Stimulation and Therapeutic Activity Center, maiyawat iti city government inton 2010

VIGAN CITY – Maiyawat ti Stimulation and Therapeutic Activity Center (STAC) iti gobierno ti siudad ditoy inton Marso 2010.

Kanaig daytoy, inwaragawag ti city government nga isapsapana ti agbirok kadagiti agtrabaho ditoy kas staff iti STAC tapno masapsapa met a masanayda para iti pagrebbenganda.

Adda 197 nga ubbing a nakarehistro a serserbian ti STAC iti agdama.

Daytoy siudad ti maysa kadagiti kaunaan a siudad a nakaipasdekan ti STAC a mangserbi kadagiti addaan rangkap nga ubbing.

Nakakontrata laeng dagiti agdama nga empleado ti STAC nga agserbi iti dua ken gudua a tawen.#