Footer

Streetlights, naipatalged a malpas

TAGUDIN, Ilocos Sur – Impanamnama ti mayor ditoy nga ili a maileppas ti pannakaipasdek dagiti streetlights iti umuna a tallo a bulan daytoy a tawen.

Segun ken ni Mayor Roque Verzosa, Jr., maipasdek dagiti sangapulo pay nga streetlights  iti sungaban iti nagbaetan ti Sta. Cruz ken Tagudin iti first quarter daytoy a tawen.

Naileppasen dagiti streetlights iti akin-abagatan a paset ti Tagudin agingga iti nagbedngan ti  La Union.

Dagiti prominente a natibo ti Tagudin ditoy ken iti ballasiw taaw ti mangadaptar dagiti streetlights ket isuda ti mangibaklay iti panagsilaw dagitoy.#