Suggested retail price dagiti produkto, impaulog ti DTI

VIGAN CITY – Monitoren ti Department of Trade and Industry dagiti tagilako tapno saan a masuitik dagiti consumers nga aggatang iti iregaloda inton Paskua, daytoy ti impatalged ti maysa nga opisial daytoy nga ahensia itay nabiit.

Kinuna ni Senior Trade and Industry Specialist Amparo del Polanco a pinatulodanda dagiti retailers dagiti establisimiento iti listaan ti presio dagiti tagilako tapno adda pagibatayan dagiti consumers iti presio dagitoy iti panaggatangda.

Kinuna ni Polanco nga iti daytoy nga isusungad ti Paskua, adda manen ipaulog ti DTI a Suggested Retail Price (SRP) ti DTI a suroten dagiti pasdek-negosio tapno maammuan dagiti aggatang ti naituding a presio dagiti tagilako ket saanda a magundawayan.

Kinuna ti opisial a saan koma a makuna dagiti consumers a kellaat ti panagpangato ti presio dagiti tagilako nangruna iti masungad a Paskua agsipud ta adda SRP a naituding a ipakat dagiti retailers kadagiti tagilakoda.#