Sumagmamano a paltog, balbala, nakumpiska dagiti polis iti panagsukisok

BANTAY, Ilocos Sur – Nadumaduma a paltog ken balbala ti nakumpiska dagiti polis iti insayangkatda a panagsukisok iti dua a pagtaengan iti Barangay Capangdanan, ditoy nga ili itay nabiit.

Nakakumpiska dagiti polis iti M-14 armalite, cal. 32, ken cal. 38, ken balbala iti balay ni Aurelio Del Castillo, residente iti nadakamat a barangay.

Mapapati nga awan ti lisensia dagiti nasao a paltog.

Kabayatanna, nakaala dagiti nagsukisok iti maysa a shotgun gauge 12 iti balay ni Sabino Del Castillo, residente met laeng iti nadakamat a barangay.

Nupay kasta, mapapati nga adda naipakita ni Sabino a lisensia ti nasao a paltog.#