Summer tour iti probinsia, inkari ni DV itutulongna

VIGAN CITY – Inkari ni Gov. Deogracias Victor “DV” Savellano ti itutulongna iti summer tour dagiti tourism students itoy a kalgaw.

“Rumbeng a pasiarenyo dagiti napipintas a lugar ditoy Ilocos Sur ta ammok nga adu kadakayo ti saan pay a makammo kadagiti napipintas a tourist spots kadagiti upland municipalities,” kinuna ni Savellano kadagiti estudiante ti turismo bayat ti Convention Management Class ‘08 a naangay iti Bluarte ditoy itay nabiit.

Kinuna ni Savellano a makatulong ti panagpasiar dagiti estudiante kadagiti tourist spots ti probinsia tapno agbalinda nga epektibo a tourist guides iti masakbayan. (Mancielito S. Tacadena/NBN Vigan)