Summer vacation assistance centers, maipasdek

SAN JUAN, Ilocos Sur – Kinuna ti hepe ti polis a maipasdek ditoy dagiti assistance centers iti isasangbay ti bakasion iti daytoy a kalgaw.

Kinuna ni Police Senior Inspector Edwin Tremor a maipasdek dagiti assistance centers, maysa iti amianan ken maysa iti abagatan, tapno adda mangipaay iti tulong kadagiti agproblema nga agdaliasat iti kalsada nasional a sakup daytoy nga ili.

Makikinnamayyet iti daytoy a gannuat ti kapolisan ditoy dagiti NGOs, tanod ken radio groups.#