Summit iti disaster risk reduction naangay

CANDON CITY – Naisayangkat  ti Regional Summit on Disaster Risk Reduction and Multi Hazard Awareness idiay Candon Civic Center ditoy siudad idi Hulio 4.

Kangrunaan a nagsarita ditoy ni  Senador Aquilino ‘Koko’ Pimentel III, Director Melchito Castro Office ti Office of Civil Defense (OCD), Region 1,  Director Mylene Rivera ti Housing and Urban Development Coordinating Council (HUDCC).

Natratar iti summit ti kinapateg ti kinasagana dagiti umili ken dagiti agtuturay no adda dumteng a didigra wenno kalamidad.

Nasurok a 200 a delegado ti nagatendar iti nasao a summit a nakipartisiparan dagiti mayor iti probinsia ken Pangasinan a pakaibilangan da Mayor Allen Singson, Mayor Leonofre Gironella, Mayor Roque “Jun” Versoza, Mayor Benjamin Maggay ken Mayor Jayjay Bueno.#