Summit iti panagminas, climate change, maangay

VIGAN CITY – Maangay ti maysa a summit tapno matratar ti problema ti panagminas ken climate change iti Legion of Mary House inton Nobiembre 26  ditoy siudad.

Makipartisipar iti nasao a summit dagiti nadumaduma a sektor a pakaibilangan dagiti environmental advocates ken apektado a komunidad ken naawis ti media a mangkober iti nasao nga aktibidad.

Kalpasan ti summit, mangangay ti grupo iti martsa-rali iti Vigan City kas panagprotestada iti maisaysayangkat a panagminas iti black sand ken dadduma pay a panagminas iti Ilocos Region.

Manamnama a maiyawat kadagiti agtuturay iti provincial capitol ti maysa a petision a mapasardeng ti black sand mining iti Iloos Sur.#