STO. DOMINGO, Ilocos Sur – Nakasaganan dagiti summer vacation centers ditoy a tumulong kadagiti bakasionista ken turista iti panagbiaheda iti probinsia.
Segun ken ni Chief of Police Honesto Lazo, addan naipasdek a SUMVAC iti lauden ti police station a nakasagana a tumulong no adda dagiti problema dagiti agdaliasat ditoy nga ili, nangruna dagiti turista ken bakasionista.
Kinuna ni Lazo nga addanto pay maipasdek a SUMVAC iti nagbeddengan ti Sto. Domingo ken Magsingal ken iti nagbeddenganda iti San Ildefonso.
Manamnama a tumulong iti daytoy a gannuat dagiti kameng ti Bantay Talna, CIS ken pannakabagi ti Department of Public Works and Highways a maiwaywayat tunggal isasangbay ti Semana Santa ken summer vacation.#