Suportada iti kampania ti Vigan para iti 7NewWonders Cities, impasingked ti PMA

VIGAN CITY – Impasingked dagiti opisial ken kamkameng ti Philippine Medical Association iti panangsuportada iti kampania dagiti agtuturay ti Vigan City para iti pannakaibutosna a maysa kadagiti 7NewWonders Cities in the World.

Dinayaw pay dagiti opisial ken kamkameng ti Philippine Medical Association, gunglo dagiti dodoktor iti pagilian, ti kinasayud ti pannakaimaton ti konbensionda a naangay ditoy siudad itay nabiit ken iti kinamanagsangaili dagiti agtuturay iti siudad nga indauluan da Mayor Eva Marie S. Medina ken ni Vice Mayor Lourdes Baquiran..

Kinuna dagiti opisial a saanda a nagbabawi a nangpili iti Vigan City ta malaksid a world-class ti venue ti konbension, awan ti pagkunaanda iti pannakasangailida.#