Supplemental feeding program, maituloy

MAGSINGAL, Ilocos Sur – Maituloy manen ti supplemental feeding ditoy nga ili kalpasan a napasangpet ti pondo manipud ti maysa nga ahensia ti gobierno nasional itay nabiit.

Kinuna ni Municipal Social Welfare Officer Francis Ann Tabuso nga agdagup iti P1,0029,600.00 ti nakasagana a pondo a para iti supplemental feeding program para kadagiti Day Care pupils ditoy nga ili.

Kinuna ni Tabuso a P13.00 ti naisagana a gastuen ti tunggal ubbing para iti 120 nga aldaw.

Agdagup iti 660 dagiti Day Care pupils ditoy nga ili, segun ken ni Tabuso.

Tinawen a programa ti Department of Social Welfare and Development ti supplemental feeding program tapno mapukaw ti malnutrision iti pagilian nangruna dagiti Day Care pupils.