Supplementary feeding program, maisaysayangkat

VIGAN CITY – Kas paset ti programa ti gobierno nasional a mangpabassit iti bilang dagiti malnourished nga ubbing,  maisaysayangkat ti supplementary feeding program kadagiti agbasbasa iti Day Care ditoy siudad.

Nagkinnamayetan ti gobierno ti siudad nga idadauluan ni Mayor Eva Marie S. Medina ken ti DWSD region 1 daytoy a supplementary feeding program no sadino a mapakpakan dagiti ubbing, nangruna dagiti nga agbasbasa iti Day Care ditoy siudad kadagiti nasustansia a taraon tapno malapdan ti panagraira ti malnutrision.

Kinuna ti maysa nga opisial ti DSWD Region 1 nga agtultuloy ti pannakapakan dagiti Day Care pupils iti las-ud ti 120 days.

Nagyaman dagiti nagannak dagiti benepisario nga ubbing gapu iti daytoy nga ipapaay ti gobierno tapno mapabassit ti bilang dagiti malnourished nga ubbing aglalo dagiti agbasbasa iti Day Care ditoy Vigan City.#