Surbey ti SWS: Agraira ti kinaruker

Komentario ni Tatang Lakay

 

Pinatalgedan ti surbey nga insayangkat ti Social Weather Stations manipud Oktubre itay napan a tawen agingga iti Pebrero ita a tawen ti kinaruker a mapaspasamak iti komunidad ti negosio.

Nainbolbar iti daytoy a surbey ti 500 a managers manipud iti 214 a kompania a nabunot manipud kadagiti 1,500 a kadakkelan a korpora-sion ken 286 manipud kadagiti babassit ken kalainganna ka-dakkel a pasdek-negosio ket makuna ngarud a nalawa ti ibagianna iti business com-munity.

Kitaentayo dagiti sumaganad a sinisuitik a maar-aramid iti ranggo dagiti negosio.

-57 porsiento ti nagkuna a kaadduanna, no di isuda amin, kadagiti kompania ti nagpasuk-sok tapno makaalada iti kontrata iti sektor publiko idinto a 30 porsiento ti nagpasuksok tapno magun-odda ti kontrata iti pribado a sektor.

-Aganay 88 porsiento kadagiti manager ti nagkuna a naka-ugalian ti kompaniada ti mang-ted iti regalo kadagiti ahensia ti gobierno. Aganay 23 porsiento ti mangted iti di nakurkurang ngem P100,000.00.

-54 porsiento ti nagkuna a mangmangted ti kompaniada iti nayon a donasion iti panawen ti eleksion. Agdagup iti 23 por-siento ti agidonar iti kuarta a di nakurkurang ngem P100,000 ken 8 porsiento ti mangted iti P1 milion a donasion.

-35 porsiento laeng kadagiti amin a kompania ti mangmang-ted iti resibo.

-18 porsiento ti nagkuna nga addaanda iti maymaysa a set ti accounts.

-11 porsiento kadagiti amin a sektor ti agbaybayad iti umisu a buis.

Agdagup iti 72 porsiento ti nangipalgak a nadawatanda iti pasuksok mainaig iti buis wenno lisensia idinto a 35 porsiento mainaig iti transaksion ti go-bierno. Kadagitoy nadawatan iti pasuksok, 5 porsiento laeng ti nangireport iti insidente agsipud ta “awanto met laeng ti mapasamak.”

Kasta met nga intudo ti surbey ti Bureau of Internal Revenue, Bureau of Customs ken ti De-partment of Public Works and Highways kadagiti karukeran nga ahensia ti gobierno (-50).

Sumarsaruno a karukeran ti Philippine National Police (-30 to -50), sa ti Land Trans-portation Office, House of Representatives ken ti Department of Environment and Natural Resources (-11 to -30); ken ti Presidential Commission on Good Govern-ment, Presidential Anti-Graft Commission, dagiti trial courts ken ti Senate (-11 to +11).

Iti sabali a bangir, nagun-od ti Supreme Court, Securities and Exchange Commission ken ti Departament of Health ken Budget ti +50 net sincerity rating iti pannakirupak iti kinaruker.

Sumarsaruno ti Departa-mento ti Edukasion, barangay government, Office of the President ken Sandiganbayan (+31 to +50) sa ti Ombudsman, Commission on Audit, Depar-tamento ti Hustisia ken dagiti city wenno municipal govern-ments (+11 to +30).

Nakakaskasdaaw ngarud a ginasut a bilion ti mapukpukaw iti tinawen gapu iti kinaruker?

Ngem no patien ti business community, madadaanda a mangigasto iti kampania kontra kinaruker.

No sinserido, apay a dida irugi iti bukodda nga inaladan?

Aramid pakakitaan!#