Suspek iti pammapatay, naipa-paraffin test

NARVACAN, Ilocos Sur – Naipababaen iti paraffin test ti suspek iti pammapatay sadiay Barangay Casilagan, ditoy nga ili idi rabii ti Agosto 7

Kinuna ti kapolisan ditoy a naisayangkatan iti paraffin test ni Errol Caoili y Canlas, 21, baro, ken kalugaran met laeng ni Benjamin Cabcaban y Bao-ay, 54, a napapatay idi agarup 9:55 ti rabii ti Agosto 7.

Maipalagip a ni Cabcaban ti nangbagsol ken ni Caoili idi Setiembre 12, 2013 ket napilaan daytoy iti attempted homicide iti 4th MCTC Narvacan-Nagbukel -Santa.

Idi Hulio 2, 2014, inannugot ni Cabcaban a nagbasol ket sinentensiaan ti korte a mabalud iti dua a bulan ngem nagaplikar iti probation ni Cabcaban.

Segun iti polis, inalaanda payen iti statement ni Caoili, ken maysa a Froilan Adolfo.#