Suspek iti pammapatay, nakasuan

CABUGAO, Ilocos Sur – Tallo a lallaki ti nakasuan mainaig iti pannakapapatay ni Reagan Salmo y Rubio, 23, baro, residente iti Barangay Sisim ditoy nga ili idi Oktubre 23.

Nakasuan iti murder da Jay Charles Ejia Sol, Lexter Baclig Pareja ken Esteban Ramos, agnaedda amin iti Barangay Sisim, Cabugao.

Maipalagip a magmagna ni Salmo iti barangayda idi napaltogan.

Nakasarak dagiti polis iti maysa a buli manipud iti cal. 45, maysa a cartridge para gauge 12 ken maysa a homemade a buck shot iti nakapasamakan ti krimen.#