Footer

Suspek iti pannakapapatay ti tesorero, nabigbig

PAGUDPUD, Ilocos Norte – Addan suspetsa ti polis a nangisayangkat iti pannakapapatay ti municipal treasurer ti Adams, Ilocos Norte.

Innaganan ni Remigio Reyes, nagmaneho iti motorsiklo a nakiluganan ni Elpidio Sy, tesorero, ti maysa a Jun Valencia, residente iti Barangay Poblacion, Adams, a pimmaltog iti biktima.

Napaltogan a puon ti ipapatayna ni Sy bayat ti panagdaliasat ti luganna iti Barangay Pansian, Pagudpud nga agturong iti Adams a pagtrabahuanna kas municipal treasurer.

Saan a naan-ano ni Reyes.

Agtultuloy ti inbestigasion ti SOCO ken CIDG iti nasao a pammapatay gapu iti mapapati a saan a panagsusurot ti palawag ni Reyes.#