Suspek a nangpaltog iti polis, nakasuan

BANTAY, Ilocos Sur – Napilaan iti kaso ti maysa a drug personality a nangpaltog ti maysa a polis itay nabiit.

Attempted murder ti naikaso ken ni Alex Olay y Bandrang, aka Mohaymen Olay, naasawaan, ken residente iti Muslim Compound, Zone 3, Bantay, gapu iti panangpaltogna idi bigat ti Agosto 23 ken ni SPO1 Joel Javier y Saniatan, 39, naasawaan, polis ditoy nga ili ken residente iti Barangay Bulala, Vigan City .

Sabali laeng ti naiyendorso a kaso ni Olay a panaglabsing iti RA 10591.

Nakalista ni Olay a number one drug personality iti municipal level, ket nakasuan iti homisidio iti Regional Trial Court, Vigan City, ket naipababaen iti Criminal Case No. 7699-V 2015.#