Suspek nga agipuslit iti droga, naibalud

TAGUDIN, Ilocos Sur – Nakadetenen iti pagbaludan ti maysa kadagiti suspek a nasukalan dagiti polis nga agipuslit iti droga sadiay Barangay Poblacion, Alilem, Ilocos Sur itay nabiit.

Naikursong iti pagbaludan ni Ronald Quitilen y Aguilar, babaen ti commitment order nga inyisio ni Judge Mario Anacleto M. Bañez ti RTC Tagudin a napetsaan Abril 22, 2014.

Maipalagip a nasukalan da Quitilen ken dagiti kaduana nga agipuslit iti dua a bricks ti nagango a marijuana fruiting tops idi rabii ti Abril 15.

Naglibas dagiti suspek ngem kinamat ida dagiti polis a nakatiliwanda ken ni Quitilen.

At large dagiti kaduana a nakasuan a maysa a Joel Fabro ken maysa nga alias Bentong.#