Suspetsa iti pammapatay, napilaan iti kaso

CANDON CITY – Naipilaan iti kaso ti suspek a nangpapatay iti maysa a negosiante a nasarakan ti bangkayna iti imburnal iti barangay San Isidro, Candon City.

Pinilaan dagiti polis ditoy siudad ni Noli Flores, partidor, residente iti Parioc Segundo, ditoy siudad iti kaso a murder iti City Prosecutor’s Office mainaig iti pannakapapatay ni Fernando Galicia, 45, kayong ti akusado, agnaed met laeng iti San Isidro ditoy met laeng a siudad.

Nagsagrap ti biktima iti bagsol ken mapapati a namalo iti natangken a banag ti ulona.

Intudo ti kabsat ti biktima a ni Marissa ni Flores gapu iti panagsusik dagiti dua iti napalabas.#