Footer

Suspetsa iti panagtakaw, intudo ti biktima

CANDON, Ilocos Sur – Positibo nga intudo ti biktima ti lalaki a natiliw ti polis ditoy  nga isu ti nagtakaw iti pagtagilakuanna itay nabiit.

Intudo ni Augusto Segundo, akinkukua iti Kendriks Store iti Barangay 10, Sarrat, Ilocos Norte ni Edgardo Gaspar y Antonio nga isu ti nagtakaw iti tiendana ken nangkasakas iti P35,000 a naglakuanna iti tangke ti Gasul.

Kinuyog dagiti polis ti Sarrat ni Segundo tapno bigbigenna ni Gaspar kalpasan a nai-flash ti pannakatiliw ti suspetsa ditoy.

Naipiskot dagiti polis ni Gaspar bayat ti panaglibasna a nakalugan iti kotse.#