CANDON CITY – Nagpulong iti polis ti maysa a suspetsa iti panagtakaw a biktima ti panagtakaw iti beerhousena idi rabii ti Septiembre 20.
Nagpulong iti polis ni Baltazar Gabaldon, 51, a sinerrek dagiti mannanakaw ti Battawa Beer Garden a kukuana ket kinasakasda dagiti sag-lilima a pisos nga agdagup iti P2,000.00 ken kuarta a naitinnag ti videoke machine a mapattapatta nga aggatad iti P5,000.00.
Nupay kasta, masuspetsa a kakadua met laeng ni Gabaldon dagiti simrek iti beerhouse a nainaganan laeng iti Julius, Melchor, Marife ken George sakbay a natakuatan a natakawan ken nadadael ti videoke machine.
Maipalagip a tiniliw dagiti polis da Gabaldon ken ni Dominador Bacagan gapu iti masuspetsa a panangtakawda iti baka ti maysa a Gerito Ramos iti Barangay Bateria, San Esteban, Ilocos Sur.
Nawayawayaan ni Gabaldon kalpasan ti panagpiansana. (Danny Antalan)
Â