Swindler, naaresto

SAN ILDEFONSO, Ilocos Sur – Maysa a lalaki ti inaresto dagiti polis ditoy nga ili mainaig iti kasona a panangallilaw.

Inaresto dagiti polis nga indauluan ni PSI Alexander Aurelio, Deputy COP, ni Leon Padua y Apostol, 30, naasawaan, residente iti Barangay Ibuy ditoy nga ili.

Inyisio ni Judge Isaac R. de Alban, acting judge ti RTC Branch 18, 2nd Judicial Region, Ilagan, Isabela, ti warrant of arrest ken ni Padua gapu iti kasona a swindling a naka-docket iti CC No. 5343.

Naituding ti bail bond a P18,000 para iti temporario a pannakawayawaya ni Padua.#